Zur Startseite
 
Inhalt      Register
 
 
< voriges Gedicht           nächstes Gedicht >
 
Emerenz
(1874-
 
 Meier
1928)
 
 
 
[Es hat a jeder a dumme G'wehnat]
 
Es hat a jeder a dumme G'wehnat,
Die er gern bleib'n liaß', wann er's oft kennat.
Und renntst 'hn aufi, hoaßt's: »Dös is mei' Sach!
I kann's nöt lass'n, mi g'freut's halt einfach.«
 
Der möcht gern singa und kennt koa Not'n,
Der ander' wildert, is streng verbot'n,
Der dritt' geht fisch'n, ja nöt in sein' Bach,
Steht aar a Straf' drauf, eahm g'freut's halt einfach.
 
I hätt' vo kloa auf a Freud zum Dicht'n,
Und pfeifen alle auf meine G'schicht'n.
Doch wann i glei' koan' Schenie nix drei mach,
Und nix g'studiert bin, mi' g'freut's halt einfach.